ភ្នំពេញ៖ ក្រសួងវប្បធម៌ និងវិចិត្រសិល្បៈ នឹងដោះស្រាយតាមវិធានការផ្លូវច្បាប់ចំពោះការវាយកម្ទេចកុដិបុរាណ៣ នៅក្នុងវត្តឧណ្ណាលោម និងមិនឱ្យមានការសាងសង់សំណង់អ្វីថ្មីនោះទេ។
តាមសេចក្តីជូនដំណឹងចុះថ្ងៃទី២១ ខែធ្នូ ឆ្នាំ២០២២ ក្រសួងវប្បធម៌ និងវិចិត្រសិល្បៈឱ្យដឹងថា ករណីវាយកម្ទេចកុដិបុរាណទាំងបីនេះ រហូតដល់បាត់បង់រូបភាពដើមទាំងស្រុង ក្រសួងនឹងសហការជាមួយអាជ្ញាធរពាក់ព័ន្ធដោះស្រាយតាមវិធានការច្បាប់។
ក្រសួងក៏បានបញ្ចាក់ថា នឹងរក្សាទុកទីតាំងនោះមិនឱ្យមានការសាងសង់សំណង់អ្វីថ្មីរហូតដល់វិធានការនានាត្រូវបានដោះស្រាយ។
សូមរំលឹកដែលថា កុដិបុរាណទាំងបីនេះបានកសាងកំឡុងឆ្នាំ១៩៣០ ក្នុងបរិវេណវត្តឧណ្ណាលោម ហើយត្រូវបានវាយកម្ទេចចោលដើម្បីសាងសង់ចេតិយ កាលពីដើមខែធ្នូ ឆ្នាំ២០២២នេះ៕
